Telmo Fernandez palista Munduko Txapelketan izango da
Espainiako Sprint Kopa irabazi zuen, 1.000 metrotan, K-1 modalitatean.
Espainiako Sprint Kopa irabazteak Minsken jokatuko den Munduko Junior Txapelketarako txartela eman dio Telmo Fernandez piraguista irundarrari. Santiagotarrak-eko pista arloko palistak 1.000 metrotan lortu zuen urrezko domina Trasonan (Asturias) jokatu zen proban.
Munduko Txapelketa uztailaren 28 eta 31n jokatuko da.
Guztira, lau urrezko domina lortu zituen Santiagotarrak-ek. Bakarka, K-1 modalitatean, Fernandezek lortutako bi urrezko dominak —17 urtez azpikoetan eta Junior Mailan— , K-2 modalitatean Fernandez eta Aitor Gorrotxategik lortutako beste domina, eta K-4an, Fernandez, Gorrotxategi, Eneko Egiguren eta Iñigo Diezek lortutakoa.
Aitor Gorrotxategik, gainera, Europako Txapelketarako txartela lortu du Trasonan lortutako emaitzengatik.
Telmo Fernandez (Argazkia: R. Sayar)
