Oiasso museoak jarraitzaileak omenduko ditu hamabi bideotan
Museoarekin harremana izan duten hamabi jarraitzaileren bideo elkarrizketak argitaratuko ditu museoak
10. urteurrena ospatzen ari da Oiasso museoa, hainbat ekintza antolatuz. Horri lotuta, 10 urte. 12 hilabete eta 12 fan izeneko jarduera egingo du: museoarekin harremana izan duten hamabi lagun elkarrizketatu, bideoz grabatu eta argitaratuko dituzte. Euren iritziak biltzearekin batera, museoaren jarraitzaile izan direnak omendu nahi ditu Oiassok.
Lehen elkarrizketatua, urtarrila hilabeteari dagokiona, Rosa Fuertes izango da, irundarra eta museoaren jarraitzailea. Otsailari dagokion elkarrizketa, berriz, Javier Arceri egingo diote, Arkeologian doktorea eta Lilleko unibertsitateko irakaslea.
Elkarrizketa horiek Oiasso museoaren webgunean eta Irungo Udalaren atarian ikus daitezke.
Cecilia Zabalaren kontzertua
Jabier Muguruzaren kontzertuaren ondoren, hurrena Cecilia Zabalaren musikagile argentinarraren txanda izango da, eta Fronteras lana aurkeztuko du Irunen, Europako biraren barruan. Martxoaren 18an izango da, 20:00etatik aurrera, Portu aretoan.
Oiasso museoa
