Emakume margolarien lanak bildu nahi ditu Emekik
Martxoaren 8ari begira eskualdeko artisten erakusketa prestatzen ari da Emeki Hondarribiko emakumeen elkartea.
Martxoaren 8aren inguruan antolatzen diren ekintzei lotuta, Emakume margolarien erakusketa antolatu nahi du Hondarribiko Emeki elkarteak, eta eskualdeko artistei deia luzatu die, animatu daitezen: “Zure laguntza behar dugu, lanaren bat aurkeztu nahi izan ezkero, hemen duzu aukera”.
Martxoaren 8tik 12ra izango da erakusketa bisitatzeko aukera, Arma Plaza kultur eta turismo bulegoan, goiz eta arratsaldez. Lanak martxoaren 7an jasoko dituzte Arma Plazan bertan, 10:00etatik 12:00etara eta 16:00etatik 18:00etara.
Era berean, erakusketa irekita dagoen bitartean zaintza lanak egiteko ere laguntza eskatu du Emeki elkarteak. Txandaka egingo dute zaintza eta boluntarioak behar dituzte. “Horretarako tarte bat baduzu, astelehenean [martxoak 7] bertan azaldu mesedez”, adierazi dute.
Informazio gehiago behar duenak 943 64 34 02 telefono zenbakira dei dezake.
Era berean, erakusketa irekita dagoen bitartean zaintza lanak egiteko ere laguntza eskatu du Emeki elkarteak. Txandaka egingo dute zaintza eta boluntarioak behar dituzte. “Horretarako tarte bat baduzu, astelehenean [martxoak 7] bertan azaldu mesedez”, adierazi dute.
Informazio gehiago behar duenak 943 64 34 02 telefono zenbakira dei dezake. 
