Aldarrikatu eta ospatzeko eguna
Hainbat ekitaldi antolatu dituzte Emakumeen Egunaren harira.
Martxoaren 8a ate joka dator, eta udalak nahiz herriko eragileek hainbat ekitaldi prestatu dituzte Emakumeen Egunari begira. Berdintasuna aldarrikatu, baina, era berean, jai giro ukituz ospatzeko eguna ere izango dela nabarmendu dute.
Atzo egin zuten egitarauen aurkezpena Sergio Corchon Berdintasun ordezkariak, Irene Kastezubi Gaurko Andreak-eko ordezkariak, Kontxi Zabala Argoiak elkarteko kideak, Maritxu San Jose Bidasoaldeko Elkarte Feministako kideak eta Aitziber Iratzoki Berdintasun teknikariak. Bakoitzak bere egitaraua aurkeztu zuen.
Aurkezpena Dunboako Martxoak 8 kalean egin zuten. Hain zuzen, duela bi urte, 2014ko otsailean, udalbatzarrak izen hori jartzea onartu zuen, egun horren omenez.
Egun horretan bertan, martxoaren 8an, elkarretaratzea egingo dute Zabaltza plazan, 19:00etan. Leloa: Egun guztiak izan beharko lirateke Martxoak 8. Aurretik (18:45) Flashmob bat egingo dute My Dance Studio taldearen eskutik. Ikuskizun horretan erabiliko dituzten abesti guztiek emakumearen gaia eta emakumeek euren egunerokoan bizitzen dituzten egoerak kontatuko dituzte. Egitaraua osorik, behean.
Martxoak 8ko egitaraua aurkeztu dute udal eta elkarteek.
Egitaraua
Gaur 19:30: Pobreziaren feminizazioa hitzaldia, Irun Factoryn. Gizarte bazterkerian dauden kolektiboen artean egindako sare lanaren adibidea. Hizlariak: Amaia Lasheras eta Eukene Pardo. Antolatzailea: Bidasoaldeko Elkarte Feminista. Hilaren 29a, astelehena 17:30: Genero berdintasunaren aldeko arrazoiak tailerra, Gaurko Andreak-en (Kale Nagusia 11-2). Hiru egunetako tailerra izango da: otsailak 29, martxoaren 14 eta apirilaren 18an. Antolatzailea: Gaurko Andreak. Martxoaren 2a, asteazkena- 17:00: Sufragistas zineforuma, Argoiak elkartean. Antolatzailea: Argoiak.
- 17:30: Kafe-solasaldia, Luisa Etxenike idazle, kazetari eta irakaslearen lana aurkeztuko dute, Uxoa elkartean. Antolatzailea: Uxoa.
- 19:30: Desadostasun baten istorioa hitzaldia. Irun eta Hondarribiko alardeen gatazkaren gainean hitz egingo dute Mertxe Tranche eta Maixabel Alkainek, Irun Factoryn. Antolatzailea: Bidasoaldeko Elkarte Feminista.
- 10:00: Emakumeak bidea irekitzen hitzaldia, Amaia KZko hitzaldi aretoan. Hainbat emakumen euren testigantza eta bizipenak emango dituzte emakume izatearen gainean. Antolatzailea: I-Romi.
- 14:00: Elkarteko bazkaria, Argoiak elkartean. Antolatzailea: Argoiak.
- 17:00: Poesia errezitaldia, Txemi Checaren musikarekin. Ondoren, Rosa Gomezen Aldebaran liburuaren aurkezpena, Argoiak-en. Antolatzailea: Argoiak.
- 17:30: Las chicas del calendario filmaren proiekzioa, Uxoan.
- 17:00: Las chicas del calendario filmaren proiekzioa eta solasaldia, San Migelgo Zaharren zentroan. Antolatzailea: Bidasoaldeko Elkarte Feminista.
- 17:30: Mama no abras más la puerta antzezlana Uxoako antzerki taldearen eskutik, elkartean bertan. Ondoren, bingoa, mokadutxoa eta dantza. Antolatzailea: Uxoa.
- 12:00: Argoiak Sariaren banatuko dute, Argoiak elkartean. Aurten, Santiagotarrak Elkartearen eskutik. Antolatzailea: Argoiak.
- 19:00: Kiroleko emakume erreferenteak hitzaldia, Amaia KZn. Hizlaria: Nekane Soria Realeko kontseilaria. Antolatzailea: Gaurko Andreak.
- 19:30: Emakumek fatala gizarte patriarkatuaren oposizio gisa hitzaldia, Irun Factoryn. Hizlaria: Naroa Gonzalez. Antolatzailea: Bidasoaldeko Elkarte Feminista.
- 19:00: Larre motzean dokumentala. Emakume baserritarrak protagonista diren ikus-entzunezkoa, Amaia KZn hitzaldi aretoan. Antolatzailea: Gaurko Andreak.
