Milioitik gora bisita izan ditu 'irun.org' webak
Bisiten kopurua handituz doa, eta aurreko urtean baino %13,6 bisita gehiago izan ditu 2015ean.
Bisitak ugaritzen doaz urtez urte irun.org webgunean, eta milioiaren langa pasatu du bigarren urtez, guztira, 1.184.450 bisitekin. Aurreko urtearekin alderatuta, %13,6 hazi dira bisitak.
Egunero batez beste 3.242 bisita jasotzen ditu, eta astelehena izaten da bisita gehien jasotzen dituen eguna. Bisitatzen diren orrialdeen kopurua ere %10,41 hazi da, eta 3.775.483 klik egin dituzte.
irun.org webgunean gehien ikusten den saila, hasierako orrialdearekin batera, Irun Kirol da, baita artxiboa eta fototeka ere. Jarraian, aktualitatea eta albisteak eta agenda.
Horrez gain, geroz eta gehiago dira sakelako telefonoetatik webgunea bisitatzen dutenak, ia ordenagailuetatik jasotako bisitak gailentzeraino: 642.000 pasatxo ordenagailuetatik eta 541.000 pasatxo sakelako telefono edo tabletetatik.
Irun Txartelak ere bultzatu du bisita elektroniko gehiago ere jasotzea, eta HAZen bisitak %54,29 hazi dira.
‘irun.org’ webgunea.
