"Saharar herriarekiko konpromisoa" berretsi du Irungo Udalak

Otsailaren 27an 40 urte beteko dira Saharako Errepublika Arabiar Demokratikoa aldarrikatu zutenetik.

2016/02/18

Tindoufeko Saharako errefuxiatuen kanpamentua

Otsailaren 27an 40 urte beteko dira Saharako Errepublika Arabiar Demokratikoa aldarrikatu zutenetik. Horren harira, Irungo Udalak aho batez onartu du adierazpen instituzionala, eta berretsi egin du saharar herriarekiko duen konpromisoa. Hala, berretsi egin du RASDen gobernu legitimoa eta Fronte Polisarioa, eta saharar herriaren autodeterminazio eskubidea defendatu ditu. Era berean, Espainiako Gobernuari eskatu dio Fronte Polisarioan dagoen Espainiako ordezkariari estatus diplomatikoa ematea,”bera delako Saharako herriaren ordezkari bakar eta legitimoa, NBEk hala aitortua” Horrez gain, Marokoko agintariei eskatu die bertan behera uzteko saharar aktibistei egiten diete jazarpena, eta preso politikoak askatzeko galdegin dio. Desagertutako 400 sahararren patua ere argitzeko eskatu dio. Espainiako Gobernuari, berriz, eskatu dio bere gain duen erantzukizun historikoa hartzeko, behar bezain ekintza politiko guztiak gauzatzeko. Azkenik Tindufeko (Aljeria) errefuxiatu kanpamentuetan dauden sahararrei laguntzeko konpromisoa berretsi du, eta eskertu egin du euskal gizarteak duen eskuzabaltasuna Uholdeetan 90.000 kaltetu Irungo Udalak gogorarazi duenez, urrian uholdeak izan ziren, eta Saharako errefuxiatuen kanpamentuetan kalteak eragin zituen. Horiek 90.000tik gora lagunei eragin zietela kalkulatzen da, eta horietatik 25.000k galdu dute euren etxea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.