Emersonen Espainia eta Portugaleko egoitza nagusia inauguratu dute
30 pertsona daude Irungo egoitzan lanean, eta urtean 46 milioi euro fakturatzea espero dute.
Irunen edukiko du Espainia eta Portugaleko egoitza nagusia Emerson Industrial Automation Global Sales and Solutions AEBetako multinazional erraldoiak, Zaisan, eta atzo inauguratu zuten ofizialki. Bertan izan ziren multinazionaleko presidente Pascal Galant, Markel Olano Gipuzkoako Ahaldun Nagusia, Jose Antonio Santano Irungo alkatea eta Alexander Arriola SPRIko zuzendari nagusia, besteak beste.
Konpainiak egoitza berria “lantegi tradizio handia eta industria ehun dinamikoa eta indartsua” duen ingurune batean kokatzearen aldeko apustua egin duela adierazi du Emersonetik. Era berean, Euskal Herrian merkatu kuota garrantzitsua duela ere gogorarazi dute: “Gainera, bertan dauden komunikazio onei esker, harreman estuak mantendu ahal izango ditu Penintsulako iparralde osoarekin”.
30 pertsona daude Irungo egoitzan lanean, eta urtean 46 milioi euro fakturatzea espero dute. Horiek Gipuzkoako Ogasunarentzat diru iturri izango direla nabarmendu dute aurkezpenean.
Emersonen egoitza berria Zaisan dago
