Hotzaren protokoloaren baldintzak salatu ditu SPIk

Berme minimoa tenperaturak 8 gradutik beherakoak direnean soilik ematen dela kritikatu du SPIk.

2016/02/12

Etxerik gabeentzat udalak martxan jarri duen Hotzaren Protokoloa salatu du SPIk

Udalak kalean bizi direnei begira Hotzaren Prokoloa martxan jarri du, eta gela bat eskaini du pentsioan etxerik gabe dauden guzti horiei. SPI Si Se Puede Irunek protokolo horren baldintzak salatu ditu, “berme minimoa tenperatura 8 gradukoa denean soilik ematen baita”. Hori lotsagarritzat jo du. Eusko Jaurlaritzaren 185/2015 dekretuaren arabera, “zerbitzua urteko gau guztietan” eman behar da baita, eta “etengabe”. Horrez gain, etxerik ez dutenek eskaera egin behar izatea ere kritikatu du SPIk: “Nork pentsa dezake gizarte bazterketa arriskuan dauden pertsonak, egoera zaurgarrian komisaldegi batera joango direla laguntza eskatzera?” SPIren iritziz, udalak oraindik ez du ulertzen hainbat Irungo familia pairatzen ari diren egoera. Izan ere, hainbat eragilek urteak daramatzate eskaera hori egiten, eta orain, udalak ikerketa bat egin behar duela jakinarazi du. Horren ordez, gaua pasatzeko areto baten aldeko “apustu erreal eta behin betikoa” egiteko eskatu dio udalari beharra duen jendearentzat.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.