2.158 eskaera eduki ditu KIUBek
Telefonia arlokoak izan dira aurkeztutako kexa gehienak.
2014an baino eskaera gutxiago eduki zituen Kontsumo Informazio Udal Bulegoak joan den urtean, guztira, 2.158 (2.200). Batik bat telefonia arloan jarri dituzte kexak kontsumitzaileek, eta kasu horretan, aurkeztutako eskaerak aurreko urtekoak baino gehiago izango dira, 566, guztira. Horietatik, ia erdiak, %43, bi aldeen arteko akordioa lortu dute.
Martxoaren 15 Kontsumitzailearen Eguna izango da, eta horri begira, Mikromezu lehiaketa antolatu du KIUBek. Aurten kontsumitzaile elkarteetik aurreratu dutenez, ez da kartel lehiaketarik izango, eta horrenbestez, mikromezuen arloa bakarrik landuko dute. Horiek bidaltzeko sare sozialak ere erabili ahal izango dira. Tuit bat, gehienez 140 karakteretakoa, izango da bidali beharko den mezua. Hori Twitter, posta elektroniko edo Whatsapp bidez (607 77 11 73) bidali beharko da, martxoaren 5a baino lehen. Gaia kontsumo arloan izan duten esperientzia kontatzea izango da.
Bi sari banatuko dituzte adinaren arabera: LH 5 eta 6ko eta DBH1eko ikasleentzat 16 gb-ko tablet bat izango da, euskaraz idatzitakoarentzat bat eta beste bat gaztelaniaz idatzitako mezuarentzat. DBH2tik 4ra bitartean, berriz, saria ordenagailu eramangarri bat izango da, hizkuntza bakoitzeko bana.
KIUBen balantzearen berri eman dute Mikel Zabaleta KIUBeko arduradunak eta Pedro Alegre Parte hartze zinegotziak.
