Are eta koloretsuagoa izango da Hondarribiko Inauteria

Hondarribiko Udalak eta herriko eragileek ekitaldi erakargarriz beteriko egitaraua osatu dute aurtengo Inauteriak herrian disfrutatu nahi dituztenentzat.

Asier Perez-Karkamo

Hondarribia

2016/01/27

Aurtengo parodia Jostaldi pilotalekuan egingo dute

Desfilea, mozorro lehiaketa Sainduan, parodia olinpikoa, mairuak, musika, antzerkia, lehiaketak… Inauterietan Cadizen edo Tenerifen hobeto pasatuko duela uste duena okertuta dabil. Tolosara joatea ere ez du pena mereziko, izan ere, Hondarribiko Udalak eta herriko eragileek ekitaldi koloretsuez beteriko egiutaraua osatu baitute. Otsailaren 5etik eta 8ra ospatuko dituzte Inauteriak Hondarribian, baina dagoeneko giroa berotzen hasita dago. Batzuk Gazte Zerbitzuak antolatutako mozorro tailerran zertaz mozorrotu erabakitzen dabiltza, olinpiadetako taldeak parodia prestatzen… Berrikuntzen artean, parodia ez dela Soroetan izango, Jostaldin baizik. Eta, igandeko pailazoen saioaz gain, astelehenerako ere prograatu dute antzerkia. Glu-glu taldeak Caperucita feroz obra taularatuko du otsailaren 8an Itsas Etxean.

Hondarribiko Inauteria. Egitaraua

Otsailaren 1etik 14ra.

Inauterietako kartel lehiaketako erakusketa. Arma Plaza kultur eta turismo gunean.

Otsailak 4 (osteguna)

18:30ean, Alde Zaharrean. Inauteri kalejira, Musika Eskolak antolatua.

Otsailak 5 (ostirala)

17:00ean, Saindua Udal Gaztelekuan. Mozorro lehiaketa.
19:30ean, Jostaldi pilotalekuan. Hondarribiko Herri Olinpiadetako parodia.

Otsailak 6 (larunbata)

09:00etan, Sainduatik abiatuta. Mairuak baserriz baserri, Emeki elkarteak antolatuta.
12:30ean, kalez kale. Abiyuan Txaranga.
14:30ean, Arma Plazan. Mozorro herri bazkaria. Sarrerak otsailaren 3ra arte Ttoparan eta Etxeberrian, 20 euroan.
15:30ean, Euskal Inauteria baserriz baserri. Meakako Adixkideak Dantza Taldea eta Egoipar Meaka Euskal Dantza Taldeen eskutik.
18:00etatik aurrera, Alde Zaharrean. Peña poteo txaranga DJ mugikorra eta parodia ibiltaria, La 3 taldeak antolatua.
20:00etan, Arma Plazan. Musika zuzenean, DJ Kanupi eta DJ Alvarorekin. Gauerdira arte.

Otsailak 7 (igandea)

10:30ean Arma Plazatik abiatuta. Inauterietako desfilea. Ibilbidea: Arma Plaza, Minasoroeta, Sabin Arana, Bernat Etxepare eta Zuloaga.
17:30ean, Arma Plazan. Gari. Montxo eta Joselontxo pailazoen Kolore ikuskizuna.

Otsailak 8 (astelehena)

19:00etan, Itsas Etxea Auditoriumean. Caperucita feroz helduentzako antzezlana, Glu-glu taldearen eskutik. 6 euro.
19:30ean, udaletxean. Inauterietako lehiaketen sari banaketa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.