Antzerki tailerra aurkeztuko dute gaur Kultur Etxean

Asteazkenero egingo dute antzerki tailerra, bi orduz, 19:15etik 21:15era. BAZ bulegoan eman behar da izena.

Asier Perez-Karkamo

2016/01/11

Galarza eta Silanes, aurkezpenean

Iazko arrakastaren ondoren, antzerki tailerra egingo dute aurten ere Hondarribian. Asteazkenean hasiko da, baina gaur (astelehena) egingo dute aurkezpena, 19:15ean Kultur Etxean. Asteazkenero egingo dute antzerki tailerra, bi orduz, 19:15etik 21:15era. Izena eman nahi duenak BAZ bulegoan egin behar du; hiruhileko prezioa 30 eurokoa izango da. Kalixa Sinanes Kultura zinegotziaren esanetan, iazkoaren emaitza ikusita udalak tailerra laguntzen jarraitzea erabaki du: “Ekimen hau sortu zen zenbait hondarribiarrek antzerkiaren inguruan zerbait antolatu beharra zegoela ikusi zutelako. Oso emaitza egokiak izan ditu eta aurten beraiekin laguntzaile lanetan jarraituko du udalak, asko eskertzen dugularik egiten duten lana”. Tailerreko zuzendari Eduardo Galarzak argi utzi du edozeinek duela lekua tailerrean: “Jende mota guztiei zuzendua izatea nahi dugu, 13 urteko gazte bat badugu, baita 70 urteko beste bat ere”. Gaineratu duenez, iazko parte hartzaile guztiek jarraituko dute: “Oso esperientzia positiboa da. Asko da ikasi daitekeena, ez bakarrik antzerkiaz, baita jendaurrean egoteko beldurra dutenek hura gainditzeko”. Aurten emozioak landuko dituztela erantsi du Galarzak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.