Kasino Zaharrak hilaren 24an ospatuko ditu urteak

Urteurreneko bazkarirako izena eman daiteke. Jardueretako hiruhileko kuota hilaren 29a baino lehen ordaindu behar da.

Asier Perez-Karkamo

2016/01/08

27 urte beteko ditu aurten Hondarribiko Kasino Zaharra Adinekoen Etxeak, eta hilaren 24an ospatuko dute. 12:30ean meza egingo dute parrokian, eta ondoren Ardoraruntz abiatuko dira, 14:30etik aurrera bazkaltzeko.

Iazko bazkariko argazkia

Bazkarira joan nahi dutenek hilaren 18a baino lehen jakinarazi behar dute, bulegoko orduetan —ezinbestekoa da urteko kuota ordainduta edukitzea—. Astelehen, asteazken eta ostiraletan irekitzen dute Kasino Zaharreko bulegoa, goizez, 10:30etik 12:00etara. Bazkariaren prezioa 25 eurokoa da, eta menua honakoa:

Entsalada epela
Ganbak plantxan
Txangurroa labean
Limoizko sorbetea
Erreboiloa labean
Txokolatezko krepeak izozkiarekin
Edateko: ardoak, ura, kafea, kopa eta cava

Jardueren hiruhileko kuota Tai ji, mantentze gimnasia, areto dantzak, memoria tailerra, erlaxazio tailerra eta musikoterapia; horiek dira Kasino Zaharra Adinekoen Etxean urritik egiten ari diren jarduerak. Ikastaroetan izena emanda daudenek astelehenetik aurrera pasatu behar dute hiruhileko kuota ordaintzeko, bulegoko ordutegian. Ordaindu beharreko kuota 15 eurokoa da eta egiteko azken eguna hilaren 29a.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.