Ia 2.000 turistek bisitatu dute Bidasoa zubian

Turisten mugimendua nabaritu da hotelen okupazioan: %80koa izan da batez beste. Bidasoa Bizirik-ek oso positibotzat jo du urtean zehar hoteletan izandako okupazioa.

Aizpea Amas

Hondarribia,Irun

2015/12/14

Irun eta Hondarribiaren ikuspegi orokorra

Irungo eta Hondarribiko turismo bulegoetatik ia 2.000 lagun pasatu dira abenduko zubian, 1.934 zehazki, Bidasoa Bizirik-ek jakinarazi duenez. Turisten mugimendua ere nabaritu da hotelen okupazioan, %80,74koa izan baita batez beste, eta bi hoteletan %95era ere iritsi da. Bisitariek 1,78 gau pasatu dituzte batez beste. Orain arteko datuak eskuan (abenduko hurrengo asteetako datuak falta baitira), oso positiboa izan da okupazioaren gainean Bidasoa Bizirik-ek egindako balorazioa. Aste Santuan hotelen okupazioa %88,84 izan da, 2014an baino hamabi puntu handiagoa. Udako oporraldiari dagokionez, uztailean okupazioa %86ra iritsi da (2014ean %75), eta abuztuan %94ra (2014ean %87). Urtean zehar batez beste hotelak %64 egon dira beteta.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.