Berriro irabazi du Hondarribia FE-k
Azaroaren 15etik garaipena lortu gabe zegoen Ohorezko Mailako taldea. Oriora joan ziren zaleei eskerrona adierazi die entrenatzaileak.
Garaipen inportantea lortu du Hondarribia Futbol Elkarteko lehen taldeak asteburuan, azaroaren 15etik baitzeraman hiru puntuak lortu gabe. Orioko Mendibeltz zelaian jokatu zuen eta 0-2 nagusitu zen. Mikel Llorente hondarribiarren entrenatzailea ez zen oso gustura geratu jokoarekin, bai ordea, emaitzarekin: “Distira handirik gabe baina hiru puntu garrantzitsu”. Oriora hurbildu ziren zaleei eskerrak eman zien Llorentek sare sozialen bitartez.
Partida hasi bezain pronto aurreratu zen Hondarribia, 5. minutuan, etxekoek euren atean sartutako gol bati esker. Atsedenaldira iritsi aurretik Jon Goikoetxeak sartu zuen bigarrena, 35. minutuan. Hondarribiarrek joko ona erakutsi ez zuten arren, etxeko taldeak ezin izan zuen berdeen atea zulatu, eta hiru puntuekin itzuli zen taldea Hondarribira.
Azaroaren 15ean lortu zuen azken garaipena Hondarribia FE-k, Martutenen. Hiru partidatan bederatzi puntu lortu zituen taldeak, eta sailkapeneko goiko postuetan kokatzeko balio izan zion. Baina, Martutenen bukatu zen bolada ona, eta hurrengo hiru partidetan bi berdinketa baino ez zituen eskuratu. Orion irabazita, bolada txarra eten dute berdeek, eta sailkapenetan laaitasun eremuan jarraitzen dute.
Lehen itzulia amaitzeko hiru jardunaldi falta direnean, zortzigarren dago Hondarribia 22 punturekin, seigarrenarekin berdinduta. Aldiz, jaitsiera postuak, urruti, 9-10 puntura.
Urteko azken partida ere kanpoan jokatuko dute Llorenteren mutilek. Hernanin. Ez da norgehiagoka erraza izango, laugarrenak baitira hernaniarrak.
Sailkapeneko eremu erosoan dago Hondarribia FE
Hondarribia FE-ren asteburuko emaitzak
Gipuzkoako Ohorezko Maila- Orioko-Hondarribia 2-0
- Hondarribia-Landetxa 2-1
- Allerru-Hondarribia 4-0
- Hondarribia-Trintxerpe 1-5
- Allerru A-Hondarribia A 3-0
- Hondarribia B-Orereta kafea 8-1
- Hondarribia-Tolosa 0-0
- Oiartzun-Hondarribia 0-0
- Pasaia-Hondarribia 6-1
- Oiartzun B-Hondarribia A 1-3
- Oiartzun A-Hondarribia B 13-0
- Hondarribia-Dunboa Eguzki 3-2
