100.000 euro bideratu diru udalak lankidetza proiektuetara

Bederatzi proiektuk jaso dituzte lankidetzako diru laguntzak

2015/12/14

Emakume nekazari quechuak

Irungo Udalak jakinarazi duenez, bederatzi lankidetza proiektuk jaso dute aurten udalak berak emandako diru laguntza. Diru laguntza hori, guztira, 100.000 eurokoa izan da. Laguntzak ematerako garaian hiru irizpide eduki dituzte kontuan. Batetik, emakumeen ahalduntzea eta emakumeen eskubideak defendatzeko ekintzak garatzea; bestetik, erakundeen indartzea tokiko gobernuak indartzeko ekintzak aurrera eramatea; eta azkenik, egiturazko lankidetza eraldatzailea, erabateko aldaketa bultzatzen duten prozesuei eta aldi luzerako direnei babesa ematen dieten proiektuak bultzatzen dituztenak. Honakoak dira bederatzi erakundeak:

Mugen gainetik (11.207 euro): Guatemala hegoaldeko komunitate indigenei eta nekazarien garapena modu justuan egiteko proiektua.
Manos Unidas (11.391 euro): Katangako (Kongo) nekazal inguruan hezkuntza hobetzeko proiektua.
Mundubat (11.330 euro): Q’eqchi eta Achi hizkuntza eskualdeetan emakume mayen aukeren indartzea.
Vicente Ferrer (9.493 euro): Gowrapuram (India) 24 emakumek eta euren familiek etxebizitza duina edukitzeko proiektua.
Maria Konpainiaren Nazioarteko Elkartasun Fundazioa (11.338 euro): Ciudad Sandinoko (Nikaragua) Nueva Vida auzoko ur eta saneamenduari buruzko proiektua.
Solidaridad Internacional (11.390 euro): Oaxacako (Mexiko) Emakumeen Askatasun Eskolaren indartzea.
TAU fundazioa (11.297 euro): Aguilares, El Paisnal eta San Pablo Tacachicon (El Salvador) gazteek garapen sozioekonomikoan parte hartzeko proiektua.
Oscar Romero elkartea (11.391 euro): Tacubako (El Salvador) Chaguite Centro komunitatearen baldintza eta osasuna garatzeko proiektua.
Prosalus (11.107 euro): Alalay eta Vila Vila (Cochabamba, Bolivia) emakume nekarazi quechuen erakundeen garapenari buruzko proiektua.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.