Asteartea musikala izango da Hondarribian

Txistulariak, Boliviako ikasleak, bi pianista handi, eta haurren pailazo faboritoak. Hori da biharko Hondarribian dagoen musika eskaintza.

Asier Perez-Karkamo

Hondarribia

2015/12/07

Johann Sebastian Jazz da Delgado eta Salvadorren proposamena

Eguna txistu taldearen alboradarekin hasiko da. Igandero atera ohi dira txistulariak, baina hilaren 8a jaieguna izanik, zortzi egunetan hiru aldiz jardungo dute. Asteartean Alde Zaharra eta Mendelu auzoak alaituko ditu alboradak. Goizean ere, Ensemble Moxos taldeak emanaldia eskainiko du Itsas Etxea Auditoriumean, 12:00etatik aurrera. Taupadak GKE bidasoarrak Boliviako San Ignacio de Moxos herrian sortutako musika eskolatik jaio den taldea da, eta urtero Europan bira antolatzen dute, garapen egitasmoa lagundu duten udalerriak bisitatzeko. Sarrerak 5 euro balio du, eta proiektua sustatu nahi duenak aukera izango du Itsas Etxean salgai jarriko dituzten diskoak erosiz. Bach, pianoan, jazz erara Itsas Etxeak bigarren kontzertu bat jasoko du bihar, maila handiko piano kontzertua. Alexis Delgado eta Iñaki Salvador pianistek Johann Sebastian Jazz goiburuko saioa taularatuko dute. Bi pianista handi, klasikoan aditua madrildarra, eta jazz maisua donostiarra. Bi estiloen zaleak harrituko ditu Delgadoren eta Salvadorren proposamenak. 20:00etan hasiko da Johann Sebastian Jazz emanaldia eta sarrerak 10 euro balio du. Dagoeneko Arma Plazan eros daitezke, eta asteartean, Itsas Etxeko leihatilan salduko dituzte, kontzertua baino bi ordu lehenagotik hasita. Hori bai, leku onenak hartzeko komeni da aurretik erostea. Pailazoak, bi saiotan Bukatzeko, eta ekitaldia musikari bakarrik mugatzen ez bada ere, Pirritx eta Porrotx pailazoen Amalur ikuskizuna ere izango da bihar Hondarribian, Hondartza kiroldegian (ikasi abesti berria, beheko bideoan). Azken urteko ohiturari jarraituz, bi saio emango dituzte, 14:00etan eta 18:30ean, eta oraindik sarrerak daude. Turismo bulegoan erosi daitezke, Arma Plazakoan edo kirol kaikoan). Irungo AEK euskaltegiak antolatzen du. Txikienek ere ordaindu behar dutela gogorarazi dute antolatzaileek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.