Elgoibarren amaitu zaio bolada ona Hondarribia FE-ri
Berdeek lau partida zeramatzaten galdu gabe, baina Elgoibarren galduta, azken sei puntuetatik bakarra lortu dute.
Hondarribia FE-ko lehen taldeak Elgoibarren galdu zuen larunbatean (2-1), eta horrenbestez, bukatu zaio azaroaren lehenetik zeraman bolada ona. Hiru partida jarraian irabazi eta beste bat berdinduta zuen Ohorezko Mailako taldeak azaroan, baina Elgoibarren eten zaio bolada.
Nolanahi ere, emaitzak ez du eragin handiegirik eduki sailkapenean, postu bakarra galdu baitu Hondarribiak. Hain zuzen ere, Elgoibarrek aurreratu duelako jaitsi da zortzigarren postura Mikel Llorenteren taldea.
Datorren asteburuan etxean jokatuko dute berdeek, Beti Gazteren kontra. Lesakakoak sailkapeneko beheko aldean daude, atzetik hasita hirugarrenak dira, eta gol asko jasotzen ari da. Hortaz, aukera ona izan dezake Hondarribiak hiru puntu lortu eta berriro gora begira jartzeko.
Etxeko azken partida berdindu zuen taldeak
Hondarribia FE-ren asteburuko emaitzak
Gipuzkoako Ohorezko Maila- Elgoibar-Hondarribia 2-1
- Hondarribia-Oiartzun 1-3
- Orioko-Hondarribia 1-0
- Hondarribia taldeak atseden izan du
- Oiartzun A-Hondarribia A 2-0
- Hondarribia B-Beti Ona B 1-1
- Eibar-Hondarribia 2-0
- Mariño-Hondarribia 0-2
- Hondarribia-Anaitasuna 4-2
- Beti Ona-Hondarribia A 1-1
- Añorga B-Hondarribia B 16-0
- Behobia-Hondarribia 2-3
