Udalak 69 milioitik gorako aurrekontua aurkeztu du

Aurtengoak baino bi milioi eta erdi euro gehiago ditu datorren urterako aurrekontu proiektuak. Abenduko plenoan bozkatzeko asmoa dute.

Bidasoko Hitza

Irun

2015/11/19

Gaur aurkeztu dute aurrekontuen proiektua

Miguel Angel Paez Ogasuneko zinegotzi ordezkariak datorren urteko aurrekontua aurkeztu du gaur. Guztira 69.783.300 eurokoa izango da, aurtengoa baino bi milioi eta erdi euro gehiago. Atzo Ogasun Batzordean aurkeztu zuten aurreproiektua, eta hogei eguneko epea hasi da, alegazioak aurkezteko. Abenduko plenora eramateko asmoa dutela jakinarazi du. Aurkeztu dituzten aurrekontuek gastuak baino diru sarrera gehiago dituzte, eta aurreko urteetako “indarrari” egotzi dio Paezek. “Horrela, gehikuntzazko helegiteak edo aldaketazko egin litezke”, gaineratu du. Ia zazpi milioi inbertsiotarako Udalak hamar eurotik bat inbertsiotarako izango da (6,8 milioi pasatxo). Diru gehien eramango duena Txenpereneako lursaila izango da, 634.369 eurorekin. Beste inbertsio nabarmen batzuk honakoak dira: Luis Marianoko igogailua (508.427 euro); Cipriano Larrañaga kaleko eraberritzea (540.000) edo Txingudi tenis klubaren instalazioak berritzea (500.000). Paezek ziurtatu du zorra txikitzen ari dela, eta aldi berean, aurrezten ari den diru kopurua handitzen. “Horrek”, gaineratu du Paezek, “egon litezkeen ezustekoei aurre egiteko ahalmena ematen digu”. Gainera, udalak 2008tik krediturik eskatu ez duela nabarmendu du. Udalaren zerbitzu publikoak “mantentzearen” aldeko apustua egin dutela ziurtatu du zinegotziak, “baita ere laguntza behar duten familia eta pertsonen aldekoa, edo ekintzaile diren norbanako edo enpresen alde”. Bestalde, parte hartze prozesuetan erabakitako 1,5 milioi euroko diru partida gogorarazi du. Esan duenez, kopuru hori aurtengo aurrekontuan sartuta dago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.