Tomas Elgorriagaren alde elkarretaratuko da EH Bildu
Frantzian lau aldiz epaitu dute Elgorriaga auzi-ihesean, baina epaiketa horiek berriro egin beharko dituzte.
Hondarribiko EH Bilduk elkarretaratzea deitu du asteazkenerako Miramarreko biribilgune parean (19:30), Alemaniak Tomas Elgorriaga Kunze hondarribiarra Frantziara estraditatu izana salatzeko.”Tomasen estradizioa gaitzesteko eta etxean nahi dugula aldarrikatzeko, elkarretaratzea deitu dugu datorren asteazkenerako, azaroak 18, arratsaldeko 19:30etan Miramarren”, azaldu dute.
Atzo atera zuten Elgorriaga Mannheimeko espetxetik, Parisera eramateko. Presoaren abokatuen arabera, sei hilabeteko epean auzi-ihesean egindako epaiketak berriro egingo dituzte, oraingoan Elgorriaga bertan delarik.
