Juana Salabert ekarriko du 'Emakume idazleen mundu bat' iniziatibak, etzi

Idazleak hitzaldia emango du CBA liburutegian, 19:30etik aurrera; hirugarren urtez egingo da

Bidasoko Hitza

2015/11/17

Juncal Eizagirre kultura ordezkaria eta Luisa Etxenike, aurkezpenean

Emakume idazleen mundu bat iniziatibarekin bat egingo du, hirugarren urtez, Kulturako udal departamenduak, Carlos Blanco Aginaga liburutegiaren bitartez. Luisa Etxenike idazleak koordinatuko du iniziatiba, eta Irunen egiteaz gain, Donostian, Bilbon eta Baionan ere egingo dituzte topaketak. Juana Salabert (Paris, 1962) idazlea izango da Irunen, etzi arratsaldean. Liburutegian emango du hitzaldia, 19:30etik aurrera. Salabertek eleberri hauek argitaratu ditu: Varadero, Arde lo que será, Mar de los espejos, Velódromo de invierno, La noche ciega, El bulevar del miedo, La faz de la tierra eta La regla del oro. Gainera, Aire nada más kontakizun-liburua, Estación central bidaietakoa, La bruja marioneta haur-nobela eta Hijas de la ira saiakera. Bere kontakizunak zenbait antologiatan agertu dira. Nadal Sariko finalista izan zen 1996an, Arde lo que será liburuarekin. Beste hainbat sari jasotzeko hautagai ere izan da Salabert. Irungo zein beste hirietako ekitaldien berri gehiago —gazteleraz— izateko, esteka honetan aurki daiteke. 1988an hasi zen, Donostian, ekimena , eta ordutik hona 120 idazle pasatu dira bertatik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.