Ikasbasketek erraz menderatu du STL Bilintx taldea (79-36) eta liderra bisitatuko du ostiralean.
Aurten lehen urtea du nagusien taldeak
Lehengotik hasi eta azkeneraino, txikienetik nagusieneraino, Hondarribiko saskibaloi talde guztiek garaipena lortu dute asteburuan.
Ikasbasket Hondarribia klubeko lehen taldeak Gipuzkoako Ligako 2. multzoko lidergoa izango du jokoan hurrengo jardunaldian (
sailkapena). Larunbat arratsean erraz menderatu zuten STL Bilintx taldea (79-36) Hondartza kiroldegian. Bost partida jokatu eta bostak irabazi dituzte, eta hurrengo jardunaldia Bera Bera Gros liderraren etxean jokatuko dute.
Ikasbasketek baino partida bat gehiago jokatu dute donostiarrek orain arte, denak irabazita. Hortaz, norgehiagoka horretan argituko da multzoko talde onena zein den. Ostiralean izango da partida, 20:00etan, Aieteko kiroldegian.
Beheko mailetan ere
Nagusiak ez dira izan asteburuan besoak altxatu duten bakarrak. Ikasbasketek bost talde ditu Gipuzkoako ligetan, bostak neskenak, eta bostek irabazi dute azken jardunaldian. Eta Ama Guadalupekoak beste talde bat du Haurren Mailan, mutilena; horrek ere irabazi du.
Asteburuko saskibaloiko emaitzak
Emak. Gipuzkoako Liga. 2. multzoa
- Express Hondarribia Ikasbasket-STL Bilintx 79-36
Emak. Gazteen Errendimendu Maila
- Carnicas San Marcial Hondarribia-Goierri Kirol Aukera 50-26
Emak. Kadeteen Errendimendu Maila
- Bera Bera Manteo-Miramar Kafetegia Hondarribia 39-62
Emak. Haurren Errendimendu Maila
- Ordizia-Hondarribia Ikasbasket 26-67
Haur Haundi Partaidetza Maila (mutilak)
- Hotel Castillo OKE-Ama Guadalupekoa 28-32
Emak. Haur Haundi Partaidetza
- Urbycolan Hondarribia-Summa Aldapeta 2B 61-10
