Lehertu da festa
11:00etan bota dute Haurren Txupinazoa udaletxeko balkoitik eta horrekin hasi dira Hondarribiko Jaiak, globo eta konfetti uholdearekin.
Haurrek hasi dute festa, Kale Nagusian
Hilaren 6ko egitaraua
08:00. San Telmo tiro-eremuan, Nazioarteko Plater Tiraketa, Azeri elkarteak antolatuta. 09:00-20:00. Kirol kaian, irratizaleen erakustaldia. Hondarribiko jaiak direla-eta estazio berezia martxan jarriko da. 11:00. Haurren Txupinazoa udaletxeko balkoitik. 11:30. Haurrentzako entzierroa zezen puzgarriekin. Santa Maria Atetik abiatuta, Hirigune Historikotik barrena, Arma Plazaraino. 13:30. Kirol kaian, Donosti-Mutriku-Hondarribia VI. Belaontzi Estropadako sari banaketa, Hondarribiko Kirol Kaiko Erabiltzaileen Elkarteak antolatuta. 16:00. Klink elkartearen eskutik, Haur eta Gaztetxoen XLVI. Margo Lehiaketa, Gipuzkoa plazan. 17:00. Bentan, Zelai Erre Txapelketa, Gazte Xaiak antolaturik. 17:00. XXI. Graffiti Lehiaketa eta Haurren XVI. Graffiti Lehiaketa, Kasino Zaharreko lorategian. 18:00. Zezen Plazatik abiatuta, Erraldoi eta Buruhandien Konpartsa; Hirigune Historikotik pasa eta Porturaino iritsiko da. 20:00. Preso eta iheslarien aldeko brindisa, txosna gunean. 22:30. Hotel Rio Bidasoan, kantineren aurkezpen-desfilea hasiko da, Klink elkarteak antolatua. San Juan de Dios Plazan, Hondarribia Hiria Musika Banda batuko zaie. 23:30. Hondarribia Hiria Musika Bandaren jaietako kontzertu berezia, Gipuzkoa plazan. 23:30. Bentan, Los Chikos del Maiz taldearen kontzertua. 01:30. Las Tea Party Djs taldearen emanaldia, Bentan.
