Hondarribiak, San Pedrok eta San Juanek, hirurek dute Kontxarako txartela eskuan

Bermeok irabazi du sailkapen estropada, Hondarribiaren aurretik; San Pedro bosgarren izan da eta zazpigarren San Juan

Olatz Mitxelena

2015/09/03

Hondarribiko arraunlariak, lanak bukatu berritan

Hondarribiko arraunlariak, lanak bukatu berritanHondarribia, San Pedro eta San Juan, Oarso Bidasoko hiru traineruek zuten Kontxarako txartela lortzeko itxaropena, eta hirurek lortu dute helburua. Bermeotarrak izan dira gaur azkarrenak, eta Ama Guadalupekoari 90 ehunenekoen aldea atera diote Urdaibaikoek. 20: 10. 92 denbora egin du Hondarribiak gaur. Ezusterik handiena, aldiz, San Pedrok eman du. Lehen luzea bukatzerako baikortasunerako argudioak izan dituzte moreek (ziabogako denbora 10:50), eta helmugan berretsi dituzte estropadaren hasieratik sumatu diren sentsazio onak. Bosgarren postuan helmugaratu dira Libiako mutilak, (20:28.68). San Juango zaleak, aldiz, kirioak dantzan ibili dira azken uneraino. Astillerorekin lehia bizian izan dira estropada osoan, baina azkenean, 22 ehunenekoen aldearengatik arrosentzat izan da zazpigarren txartela eta azkena. Honenbestez, San Pedro eta San Juan, hamasei urte eta gero berriro ere elkarrekin lehiatuko dira Kontxan. Hibaika eta Oiartzun Oiartzungo Itsaslapurrak azkenak helmugaratu dira beren lehen sailkatze estropadan (23:13) eta Hibaika 22. postuan sailkatu da (21:55). Iganderako txandak Estropada bukatu eta berehala egin dute iganderako txanden zozketa eta hauxe emaitza: Lehengo txandan San Pedro, Donostiarra, Urdaibai eta Orio ariko dira Kontxako lehen jardunaldian, eta bigarrenean, Kaiku, San Juan, Tiran, eta Hondarribia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.