1.000 euro alderdiko eta 600 hautetsi bakoitzeko
Hondarribiko Udala osatzen duten taldeen lansariak zehaztu dituzte. PP-k eta PSE-EEk 1.600 euro jasoko dituzte bakoitzak udaletik, EH Bilduk 2.200 euro, Abotsanitzek 2.800 eta EAJk 7.000 euro.
Maiatzaren 24ko hauteskundeetan Hondarribiko Udalean ordezkaritza lortu zuen alderdi bakoitzak jasoko duen dirua zehaztu zuten legealdiko lehen osoko bilkuran, hilaren 19an. Alderdi bakoitzak 1.000 euro jasoko ditu hilero, eta beste 600 euro zinegotzi bakoitzeko.
Hala, PP-k eta PSE-EEk 1.600 euro jasoko dituzte bakoitzak udaletik, EH Bilduk 2.200 euro, oposizioko lehen indarra izango den Abotsanitzek 2.800 euro eta EAJk 7.000 euro. Horiez gain, osoko bilkuretara joategatik hautetsi bakoitzari 50 euro dagozkio dieta modura, liberatuak dauden gobernuko kideak salbu.
