Hondarribiko legatza guztia erosi du Uvesco taldeak

Irungo Uvesco taldeak eta Hondarribiko San Pedro Itsas Gizonen Kofradiak hitzarmena sinatu dute BM supermerkatuetan herriko itsas ontziek egunean arrantzatutako legatza eta merlenka guztiak saltzeko.

Asier Perez-Karkamo

Hondarribia,Irun

2015/05/11

Fernandez Barrena, Olaskoaga, eta Oroz, kai berrian

Irungo Uvesco taldeak eta Hondarribiko San Pedro Itsas Gizonen Kofradiak hitzarmena sinatu dute BM supermerkatuetan herriko itsas ontziek egunean arrantzatutako legatza eta merlenka guztiak saltzeko. Uvesco taldeko zuzendari orokor Jose Fernandez Barrenaren esanetan, akordiari esker “BMk produktu freskoa, 0 kilometrokoa eta kalitatekoa bermatuko du eta itsas ingurunearen iraunkortasuna sustatuko du, Hondarribiko kofradiak legatzak eta merlenkak arrantza tresna tradizionalekin arrantzatzen ditu-eta”. Zazpi arrantza ontzi atxiki zaizkio hitzarmenari eta “salmenta bermatuta dute eguneko legatzaren eta merlenkaren kanpainak irauten duen denbora osoan, abuztura arte izango dela ulertuta”, adierazi du Andres Olaskoagak, Hondarribiko kofradiako idazkariak. Hitzarmenak bat egiten du Eusko Jaurlaritzak bultzatutako Nirea mugimenduarekin. Lehen sektorea sustatzeko ekimena da Nirea, Bittor Orozek, Eusko Jaurlaritzako Nekazaritza, Arrantza eta Elikagai Politikoko sailburuordeak, azaldu bezala: “Erosketa erabakiek inguruneko eredu ekonomiko, sozial eta kulturalean eragin zuzena dutela ikusita, Nirea-k bertako produktuen erosketaren alde egiten du, bertako ekoizleak bultzatuta, aldi berean ekoizlea eta, beraz, Euskadiko lehen sektorea eta landa eta itsasbazterreko ingurunea ere balioesten dituen eredu bati eusten lagunduta”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.