"Aldaketaren aldeko" mahai ingurua, bihar, Lakaxita gaztetxean

EH Bildu, Bai ahal da Irun eta Irabazi Irun alderdietako alkategaiekin mahai ingurua antolatu dute larunbaterako gaztetxean, 19:00etan. Aurretik kapitalismoaren gaineko tailerra izango da, goiz eta arratsaldez.

Asier Perez-Karkamo

Irun

2015/05/08

Politika protagonista izango da egun osoz

Kanpaina hasi berria, Lakaxita gaztetxean Irungo udal hauteskundeetara aurkeztuko diren hiru alderdirekin mahai ingurua antolatu dute Antxeta Irratiak eta Angula Berriak larunbaterako. EH Bildu, Bai ahal da eta Irabazi alderdietako alkategaiek parte hartuko dute, Oinatz Mitxelena, David Soto eta Proko Gomez, hurrenez hurren, “aldaketaren alde dauden hiru alderdiak”, gaztetxeak bidalitako oharraren arabera. 19:00etan hasiko da mahai ingurua, eta eztabaidaren ondoren entzuleek galderak egiteko aukera izango dute. Bukatzeko, luntxa prestatuko dute antolatzaileek.

Tailerra, egun osoz

Mahai inguruaren aurretik, kapitalismo globalaren eta haren zibilizazioaren kolapsoaren gaineko tailerra egingo dute Anakako etxe okupatuan, goiz eta arratsaldez, Lakaxita gaztetxeak antolatuta. Hamarretan hasiko da, bazkalordura arte, eta bazkalostean jarraituko du, 16:00etan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.