"Ondo, nabil, iaz ehun kilometro gutxiago ari nintzen egiten hilero"
Lezo-Jaizkibel eta Talaia Trail irabazita, Iker Oliveri Zegama-Aizkorri Mendi Maratoia prestatzen ari da
Iker Oliverik Lezo-Jaizkibel eta Talaia Trail irabazi ditu aurten, baina Zegama-Aizkorri Mendi Maratoia da bere helburua; lau ordu eta erditik jaitsi nahi du, postuari begiratu gabe. Iaz lesionatuta ibili zen eta aurten hobeto ari da, lanak nahi bezain beste denbora entrenatzeko uzten ez dion arren.
Oreretan jaio zinen.
Bai, 1971an.
Zenbat urterekin joan zineten Hondarribira?
Etxea daukagu lau urte nituenetik. Harrez geroztik uda guztiak eta asteburu guztiak Hondarribian pasatzen genituen. 11 urte nituela etorri ginen bizitzera.
Hortaz, galdera zaila egingo dizut. Nongoa zara?
[Barre egin du] Erantzun politikoa emango dizut. Jaioa han naiz, baina bizitza hemen izan dut. Oreretan baditut oraindik lagunak, eta bosgarren mailara arte nirekin izandakoekin harremana mantentzen dut, baina koadrila eta bizitza hemen izan dut; 11 urterekin gutxi erlazionatzen zara etxetik kanpo, eta gainera asteburuak hemen egiten genituen…
Haurra zinela iritsi zinen Hondarribira. Ordurako kirol zalea al zinen?
[Azkar erantzun du] Nik uste baietz. Beti asko gustatu zait kirola, baina denetik gainera, futbola, txirrinda, arrauna… oso aktiboa izan naiz.
Orain hain gazte ez zarela, oraindik denetik praktikatzen al duzu?
Egia esan orain ezin dut askorik egiten, ordutegiagatik. Futbola egin izan dut, baina ja 44 urterekin [barrez] pentsatzen dut futbola ezin dela egin. Gustatuko litzaidake beste gauza batzuk egitea, eskiatu egin izan dut noizbehinka, txirrinda ere noizbehinka hartzen dut, baina denbora asko eskatzen dizu. Horregatik bakarrik korri egiten dut, denbora beste gauza batzuei dedikatzen badiet korritzeari kenduko diot, dudan denbora gutxia. Gainera orain gogoz nabil, korritzeko gogoa daukat eta horretan nabil.
Horretarako ez da leku txarra Hondarribia, ez? Zapatilak jantzi, kalera atera eta korritzen hasteko.
Hori da. Txirrindan zerbait egin nahi baduzu ordu pare bat behintzat behar duzu. Eta korrika, gaueko zortzietan iristen zarela etxera, edo bederatzietan, edo ez dakit, eguerdian ordutxo bat duzula, zapatila jarri eta hemen ibiltzeko, [leihotik so] begira gainera ze parajeak.
Bietatik egiten duzu, asfaltoa eta mendia. Non zaude gusturago?
Denboraldia mendirako finkatzen dut. Finean helburu nagusi bat dut, Zegama-Aizkorri Mendi Maratoia egitea, eta denboraldia horri begira zehazten dut. Asfaltoa ere egiten dut, azkenean buruarentzako aldaketa bat behar izaten duzulako. Uda, abuztua eta iraila hasiera batez ere, deskantsu egiten dut, kirola egiten dut ere, baina beste modu batean. Gero Behobia jartzen dut helburu txiki bezala, behintzat hasteko. [Burua makurtuz] Bueno, ez da helburu txikia, nahiko inportantea da, baina mendia prestatzeko. Nik helburu bat behar dut, bestela kostatzen zait. Orduan hasten naiz asfaltoko karrerak egiten, garai horretan bi karrera nahiko politak datozelako, batez ere Donibane eta Behobia, eta gero mendira pasatzen naiz.
Oliveri, bi txapelekin
Ondo dagoela onartu du Oliverik, baina hobetzea espero du
Eta horrela izanik, zaintzen dira. Bai, baietz uste dut, baina hau nire iritzia da, erdiko maila asko hazi dela iruditzen zait. Ez dakit, adibidez, Behobia batean lehen ordu eta hogei minututik behera mila pertsona sartzen dira, orain igual bi mila. Jendea askoz gehiago zaintzen da, ohitura handia dago entrenadore bat izateko, dietista bat… Gero eta gehiago zaintzen da jendea. Eta zapatilak, gehiago saltzen dira? [Arnasa hartuz] Saltzen dira, saltzen dira, baina gero eta marka gehiago daude eta konpetentzia itzela da. Karrera neketsua da hori. Begira, hasi nintzenean esan zidaten, ‘orain Salomonen hasiko zarela, kirol gutxiago egingo duzu’, eta egia da, hala da, gezurra dirudi, ematen du mendiko marka batekin zabiltzanez mendian emango duzula denbora guztia, baina kirol gutxiago egiten dut, ez dut hainbeste denborarik. Askotan ibili naiz gaueko hamarretan, hamabietan, hotel batean bezeroei bilduma erakusten. Hala tokatzen da. Eta moldatzen zara? Esaterako, Zegama behar bezala prestatzeko denboraz ondo zabiltza? Ba espero dut baietz. Bai, ondo nabil. Iaz garai honetan lesionatuta nengoen, Zegama baina hiru aste lehenago hasi nintzen korritzen, eta oinazeekin. Aurten ondo nabil. Orain gauza da minik ez hartzea. Hori da zure desioa denboraldirako, minik ez hartzea? Bai [pentsakor]. Hasieran esan dizut Zegaman lau ordu eta erditik jaistea nahi dudala, baina igual nahiago dut ez lesionatzea, horrek ekartzen duelako entrenatzen jarraitzea, eta askotan entrenamendua ez da izaten Zegama, Zegama eta Zegama, baizik eta behar dudan zerbait, entrenatzea behar dut, behar dut atera eta ez etxean geratu behar izatea min hartuta zaudelako. 44 urte dituzu. Oraindik badituzu urte batzuk jarraitzeko, nahi izanez gero. [Arnasa hartuz] Gaztea ezta ez naiz. Duela urte batzuk ez nuen pentsatzen 44 urterekin horrela ibiliko nintzenik. Ez dakit. Helburua ez badut aurten lortzen ja… pentsatzen dut iritsiko dela momentu bat ezingo dudana, eta ja nabaritzen dut, errekuperazioak askoz luzeagoak dira, lesio gehiago daude… Adin aldetik justu nabil.“Gertatu izan zait lagundu dudan lasterketa bat irabaztea. Arkua eraman, nik muntatu, karrera irabazi, arkua desmuntatu eta etxera”
