Lehen sari bat, bi bigarren sari eta ohorezko aipamen bat eskuratu dituzte Irungo ordezkariek

Lau sari lortu dituzte Irungo kontserbatorioko ikasleek Gasteizen
Irungo Udal Musika Kontserbatorioko ikasleek lehen sari bat, bi bigarren sari eta ohorezko aipamen bat lortu dituzte Euskadiko Musikari Gazteen IX. Lehiaketan, Gasteizen. Asteburu osoan zehar luzatu da Eusko Jaurlaritzaren Hezkuntza Sailak antolatutako txapelketa eta denera, 11 musika eskoletako 134 ikaslek parte hartu dute.
Saria eskuratu duten Irungo ordezkariak ondorengoak izan dira: Ekhi Martinez biolinarekin (lehen saria); Ane Encabo gitarrarekin eta Maitane Arretxe akordeoiarekin (bigarren sariak); eta Andrea Nicolas gitarrarekin (aipamen berezia).