Musikirun maketa lehiaketaren bosgarren ekitaldia aurkeztu dute

Hautaketa prozesua egingo dute lehenik eta behin antolatzaileek; 15 maketa aukeratuko dituzte denera.

Rebeka Parras

2015/03/14

Musikirun 2014 lehiaketaren talde irabazleak, Ficoban

Fernando San Martin Gazteria delegatuak eta Iñaki Abuin Phantom Studioseko ordezkariak Musikirun 2015 maketa lehiaketaren bosgarren ekitaldia aurkeztu dute gaur goizean. Azaldutakoaren arabera, inguruko musika taldeen eta bakarlarien promozioa eta ekoizpena bultzatzea da lehiaketaren helburu nagusia. Hala, lehenik eta behin jasotako lanen artean hautaketa prozesua garatuko dute antolatzaileek. Lan guztien artean, 15 aukeratuko dituzte eta horien egileek eszenatokian aritzeko aukera izango dute. Parte hartzeko interesa duten lagunek gutxienez bi kanta eta gehienez bost aurkeztu ahal izango dituzte. Urtea bukatu aurretik 30 urte baino gutxiago izango beharko dituzte parte hartzaileek. Lanak udalaren webgunearen bidez edo Irungo Gazte Informazio Bulegoan aurkez daitezke. Parte hartzeko epea apirilaren 24ean itxiko dute. Sariak

Mini Lp grabazioa.
Maketa grabazioa (bost kanta).
Single grabazioa (hiru kanta).
Gazte saria: 400 euro musika materialean trukatzeko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.