Laguntzaile pertsonalak trebatzeko ikastaroa egingo dute langabetuentzat
Martxoaren 10eko lehen hitzaldia pasata apirilaren 7an abiatuko da ikastaroa
Laguntza behar duten pertsonen zaintzaren arloko ikastaroa antolatu du Bidasoa Bizirikek. Langabetuei zuzendutako ikastaroaren xedea “egungo joera demografikoei eta etorkizuneko beharrei buruzko informazioa” eskaintzea da, eskualdeko Garapen Agentziatik jakinarazi dutenez.
Martxoaren 10ean egingo da lehen hitzaldia El Espazio gunearen egoitzan. Apirilaren 7an abiatuko da bigarren saioa eta martxoaren 10etik 27ra egongo da izena emateko aukera. Matia Fundazioko gerontologo Miguel Leturiak hartuko du parte bertan “mendeko pertsonen zaintzaren arloak eskaintzen dituen aukera profesionalak” azaltzeko.
85 ordu teoriko eta 200 ordu praktiko egingo dituzte ikastaroan parte hartuko dutenek “mendekotasun egoeran dagoen pertsona baten eguneroko bizitzan laguntza eskaintzeko formazioa jasoko dute”. Garapen Agentziatik jakinarazi dutenez, iazko saioan parte hartu zuten hamabi pertsonetatik bederatzi “sektorean ari dira lanean”.
