Julian Gayarre egokitzeak bide mozketak eragingo ditu asteartetik aurrera
Gaskoi eta Baskoi kaleen arteko zatia itxita egongo da aurrerantzean
Julian Gayarre kaleko espaloia zabaltzeko lanek hainbat eragozpen sortuko dituzte bihartik aurrera. Fasez fase doan lana Gaskoi eta Baskoi kaleen arteko zatira iritsi da eta bi noranzkoetan itxita egongo da, orain arte noranzko batean zirkulatzea galarazi den arren. Trafikoari bide emateko desbideratze ezberdinak egingo dira, eta egoiliarrek baino ezingo dute ohiko bidetik ibili.
Aurrerantzean, hortaz, Burniola eta Anaka kaleen noranzkoan, Gaskoi kaletik zirkulatu beharko dute Eulalia Infanta kaleraino. Kale beretik sartu beharko dute Anaka eta Julian Gayarre kaleetako bigarren ataritik hamazortzigarreneraino bizi direnek.
