Debutariak bigarren geratu ziren parodian eta Klaro kon gas taldea aurreratu dute
Pexperlantak taldekoak, euren saioaren une batean
Ashkoraxek irabazi zuen argi, Inauteri ostiraleko parodia; lau epaileentzat beraiek izan ziren onenak. Garai bateko olinpiadetan parte hartutakoak dira Ashkorax, Alaxka ta baxkarekin batera —Kasko hutzak taldekoak ere, baina ez izen horrekin—, eta parodia irabazteko behar den guztia bildu zuten haien saioan.
Duela ia hogei urte egin zen garai bateko herri olinpiadetako azken parodia eta Hondarribiko HITZAk jakin izan duenez, ordutik ari ziren Ashkoraxekoak ostiraleko saioa prestatzen, badaezpada. Horregatik zuten hain landua.
Parodia eta gero, sailkapen olinpikoan lider aldaketa izan da, Pexperlantak taldea Klaro kon gas aurreratu baitu —ez da sailkapen ofiziala, antolatzaileek berretsi beharko dute—. Ostirala baino lehen bigarren postuan ziren sailkapenean, eta postu hori bera lortu zuten parodian, sailkapen nagusiko lidergoa hartuz. 145 punturekin jarri dira sailkapeneko goiko aldean, Klaro kon gasek baino 4 puntu gehiago.
Sailkapenak
Parodiako lehen bostak
- Ashkorax, 144 puntu (sailkapen orokorrean 36).
- Pexperlantak, 131 (35).
- Xerinkeneko Erliak, 117 (34).
- Hok ez pattuk, 115 (33).
- Bionttuak, 106 (32).
Olinpiadetako sailkapeneko lehen bostak
- Pexperlantak. 145 puntu.
- Klaro kon gas. 141 puntu.
- Nudistak eta naturistak. 134 puntu.
- Korrokoiak. 130 puntu.
- Hok ez pattuk. 128 puntu.
