Borroka baten harira lau lagun atxilotu ditu Ertzaintzak
24 eta 34 urteko bi gizon eta beste bi emakume atxilo eraman zituzten denera ertzainek
Bi gizon eta bi emakume atxilotu zituen Ertzaintzak atzo goizeko 07:30ean Joaquin Gamon kalean izandako borroka baten harira. Atxilotutako 24 eta 34 urteko gizonak ustez beste gizon bat jipoitzen ari zirela eta bertaratu zen Ertzaintza. Atxilotuetako batek beste gizona lepotik helduta zuen agenteak iritsi orduko, zenbait komunikabidek plazaratu dutenez.
Lurrean zegoen gizona, hainbat zauri zeuzkala ikusi zuten ertzainek eta Bidasoa Ospitalera eraman zuten zauriak artatze aldera. Jakinarazi dutenez, sudurra hautsita zeukan ustezko biktimak.
Beste bi emakumeak, atxilotuen ustezko lagunak, ertzainen lana oztopatzeagatik, desobedientzia eta erresistentzia delituak leporatuta atxilotu zituzten.
