Madrilgo Aldaketaren Martxara joateko autobusak antolatu ditu Irungo Ahal Duguk
Hilaren 31ko martxarako autobusak, 30 gauean aterako dira Renfeko geltokitik.
Hilaren 31n, Madrilen, Aldaketaren Martxa izeneko manifestazioa antolatu du Podemos alderdi politikoak. Hara joateko autobusak antolatu ditu Irungo Ahal Dugu-Podemos taldeak, eta deia egin die herritarrei bertara joateko.
Autobusa hilaren 30ean aterako da, Renfeko geltokitik, 23:15ean. Hirira otsailaren 1ean iritsiko dira, 02:00etan gutxi gorabehera. Autobusean izena ematen dutenek 35 euro ordaindu beharko dituzte. Izena Alfeon akademian (Lepanto kalea, 6) eman daiteke, 10:00etatik 13:00etara goizez eta 18:00etatik 20:00etara arratsaldez. 35 euroak ordaintzen dituztenek soilik izango dute plaza erreserbarako eskubidea. Horiek ordaintzeko epea hilaren 24an bukatuko da.
Zalantzak argitzeko telefono zenbaki bat prest dute Irungo Ahal Duguko kideek: 620 03 48 43.
