Hondakinen gaian, EAJk akordioaren bideari muzin egin diola salatu du Ezker Anitzak
“EAJ hasiera batean ezberdinak diren posizioen arteko elkarrizketa eta elkartzearen alde ez dagoela diru EAJ”, salatu du Errenteriako Ezker Anitzak. Modu horretara, EAJk egindakoei adierazpenei erantzun die Ezker Anitzak, Bilduk daukan posizioa ez duela agertu eta atez ateko sistema ezarri nahi duelakoan.
EAJ atez ateko sistemaren kontra egiten duen arren, “momentu honetan, udal talde politiko bakar batek ere” ez duela sistema hori eztabaidarako planteatzen adierazi du: “Hain zuzen, atez atekoa Errenteriarentzako sistema posible eta egokia ikusten genuenek posizioa mugitu dugu elkarrizketa eta adostasuna errazteko”. Eta honako galdera bota du: “Mugitu al dira PSE-EAJ-PP? Ez”.
EAJk bultzatzen duen bosgarren edukiontziarekin soilik 2016rako dauden %60ko birziklatze tasa ez dela lortuko iritzi dio Ezker Anitzak: “EAJk badaki, baina berdin zaio. Bere borroka politikoa da eta egungo gobernu taldearen desgastea bilatzen du”.
EAJk eztabaida udal mailara mugatu nahi duela kritikatu du Ezker Anitzak, eta eztabaida horretan herritarrek ere parte hartu behar dutela adierazi du.
