Elkarretaratze batekin bukatu da Irunen egin duten Libre! Eguna
Elkarretaratze batek amaiera eman Haziaren eta Ibai Esteberlanda gaztearen kontra egiten ari diren epaiketak "politikoak" direla salatzeko Irunen bi egunez egin duten ekintza multzoa. Besteak beste, kanpaldia, hitzaldiak, poteo informatiboa, aerobika, herri bazkaria... eta beste hamaika ekintza egin dituzte atzo eta gaur artean.
Elkarretaratze batek amaiera eman Haziaren eta Ibai Esteberlanda gaztearen kontra egiten ari diren epaiketak “politikoak” direla salatzeko Irunen bi egunez egin duten ekintza multzoa. Besteak beste, kanpaldia, hitzaldiak, poteo informatiboa, aerobika, herri bazkaria —40 lagunetik gora—… eta beste hamaika ekintza egin dituzte atzo eta gaur artean. Kontzentrazioa eta gero hiru tabernetan zuzeneko musika izango da, Aranaztarra, Hazia eta Depor tabernetan.
Atzo eguraldi txarra izan zuten eta goizeko ekitaldiak ondo burutu bazituzten, arratsaldeko hitzaldia lekuz aldatu behar izan zuten eta gauean kanpaldia kentzea erabaki zuten. Baina, Libre mugimenduko kide den Iker Izagirreren arabera, bai atzo eta bai gaur jende asko joan zaizkie, egiten ari zirena zergatik ote zen galdetzera eta pozik daude horrekin: “Hasiera batean gizarteratu nahi genuen egoera zein den. Hazia Elkartea 21 urtez erreferente kultural eta politiko garrantsitsua izan da eta horregatik epaitzen dute, eta Ibai Esteberlandak sei urteko kartzela zigorra jaso dezake lan politikoa egin duelako”.
Jende asko pasatu da eta parte hartu da bi egunez Irunen Hazia Elkartearen eta Ibai Esteberlandaren alde antolatu dituzten ekitaldietatik eta, horrez gain, hiriko eragile askorekin elkartu dira eta haien babesa jaso dutela nabarmendu du Izagirrek: “Aurretik lan dezente egina genuen eta hamazazpi eragileren sostengua jaso dugu Irunen, denetariko taldeena, oso zabala”.
Nolanahi ere, “lehenengo pausu txiki bat” baino ez dela gaineratu du, “epaiketak luzerako doazelako”.
Hazia Kultur Elkartea herriko tabernen sumarioan dago eta Estebarlanda gazte mugimenduaren kontrakoan
