Gaur, Errenteriako Kirolaren Gala, Niessenen
Gaur, 20:00etan hasita, Errenteriako Kirolaren Gala egingo dute Errenteria Hiria Kulturgunean, Niessenen. Festaren helburua da herrian kirola egitea ahalbidetzen duten pertsona eta erakundeen bilgune izatea, eta bertako kirolarien lana eta lortutako arrakastak ospatzea. Hala, aurten, era berezian aitortuko dute emakumeen lana kirolean, eta herriko zenbait elkarte eta norbanakori diploma bana emango diete. Kukai Dantza Konpainiak girotuko du saioa, eta gonbidapen bidez sar daitezke herritarrak ekitaldira.
