Zintzilik Irratiaren dokumentala Durangoko azokan izango da.
27 urte ez dira ezer! dokumentalaren kopiak eskuartean ditu Zintzilik Irratiak “denbora luzez itxaron ostean”. Hori Durangoko Azokan aurkitu ahal izango dira hilaren 5etik 8ra. Eguzki bideoak-en saltokian eta Ruti Distri postuan. Era berean, Errenteria-Oreretan, San Tomas azokan ere erosi ahal izango da Zintzilik Irratiaren mahaian.
Horrekin batera, dokumentalaren zenbait aurkezpen zehaztu ditu: hilaren 19an (osteguna) Lezoko Txerrimuñon, eta urtarrilaren 12an (igandea), berriz, Errenteria-Oreretan Niessen aretoan.
Dokumental horretan, irratiaren 27 urteak kontatzeaz gain, “Oreretako borroka politiko eta sozialaren zati txiki bat ere jasotzen da”, aurreratu dute Zintzilik Irratitik. Dokumentalak 27 urteei errepasoa egin arren, Zintzilik Irratiak 29 urte egin ditu aurten.
Gaineratu duenez, DVDak 10 euroan saltzen da. Hala ere, DVD horren barruan, beste hiru dokumental ere sartu dituzte: Ynestrillas Oreretan (Oarso Telebista 1998), Ciudad sin ley (Rongwrong 1993) eta Asiloaren desalojoa (hainbat egile, 1988).
