Pinturas Iztietaren marrazki lehiaketa martxan da
Hilaren 14a baino lehen (larunbata) aurkeztu beharko dira Pinturas Iztietaren marrazki lehiaketarako lanak. Urtero bezala, lehiaketa hainbat kategoriatan banatuko da, haur, gazte eta helduetan, eta gaia nahiz teknika libreak izango dira.
Behin lanak entregatuta, hilaren 17tik (astelehena) urtarrilaren 6ra egongo dira jarrita dendako erakusleihoan. Epaia, berriz, hilaren 26an (osteguna) jakinaraziko dute.
Helduen arloan, bi sari banatuko dituzte. Lehenengo saria 300 euro eta Titan olio maleta izango da, eta bigarrena 200 euro eta Titan olio maleta. Gazteen arloan (14-18 urte) Titan olio maleta banatuko dute, eta haurren mailan (13 urte arte) sari bera. Horrez gain, 10 urtetik beherako artisten lanik aipagarriena ere sarituko dute maleta berarekin.
Lan onen bezala saritua ez izan arren, beste sariren bat lortzeko aukera izango da. Izan ere, Donosti sagardotegian bi pertsonentzako afari bat eta Arte Ederretako hainbat material zozkatuko dituzte.
Lanak mihisea edo antzeko materialean aurkeztu beharko dira, eta gehienezko tamaina 81×65 cm-koa izango da. Horiek firmarik gabe aurkeztuko beharko dira, eta antolatzaileek ezarritako zenbaki bidez identifikatuko dira.
