Manifestazioa egingo dute ostegunean egoera sozioekonomiko "larria" salatzeko
Oarso Bidasoko LAB, Sortu eta Ernai.Oarso Bidasoko LAB, Sortu eta Ernai.
Horretarako hiru arrazoi nagusi daudela esan dute. Batetik, lan erreforma, “enplegua prekarizatu eta deuseztatu” duela iritzita. Beste arrazoi bezala negoziazio kolektiboa deuseztatzeko ahalegina aipatu dute, eta horren erantzule Adegi egin dute: “CEOEren erreformak eusko labelarekin aplikatzea bultzatzen du”. Diskriminazioa ere salatu dute: “Emakumeek gizonek baino %24-28 gutxiago kobratzen dute”. Tajoko langileekiko elkartasuna Testuinguru horretan Fagorren egoera gogora ekarri dute, eta oraindik “kalkulaezinak” direla esan dute utz ditzakeen ondorioak. Fagorren egoerak Tajo eskualdeko enpresa hartzekodunen konkurtsora eramatea ekarri duela ere aipatu dute, eta elkartasuna adierazi diete bertako langileei. Bestalde, gazteen artean hezkuntza eta lan mundua “utopia” bihurtu direla azaldu dute, eta horren adibide direla 22.000 gazte kanpora irtetea etorkizun hobearen bila: “Ezin diegu ihes egiten utzi. Gazteek ere iraultza egin behar dute langileen borrokaren bitartez”. Pentsiodunen egoera ez dela hobea gogorarazi dute, eta eurek ere murrizketak jasan behar izan dituztela gogorarazi dute. “Ezin dugu Espainiatik hartzen diren erabakien menpe egon” Zentzu horretan, “urrats praktikoak emateko garaia” dela esan dute: “Alternatibak borondate politiko fermuaz baino ez dira eraikitzen”. Hala, “Euskal Herrian burujabetza sozial eta nazionalaren alde borrokatzeko geroz eta gehiago” direla adierazi dute, eta “Espainiak hartzen dituen erabakien menpe” ezin dela egon: “Euskal Herrian erabaki, bizi eta lan eredu duinak garatzeko baldintzak sortu behar ditugu”.Orain arte lana zen pobreziatik ihes egiteko baliatzen zena. Hori bukatu da”
