Kadete mailako Euskadiko softbol txapelketa jokatuko dute Errenteria-Oreretan
Rentoks Errenteria-Oreretako softbol taldeak lehia garrantzitsua izango du asteburu honetan: Kadete Mailako Euskadiko Softbol Txapelketa. Zehazki, areto softbolean ariko dira lehian. Txapelketa hori egun batekoa izango da, ostiralean (abenduak 1) jokatuko da, eta Rentoksekin batera beste hiru taldek parte hartuko dute: Atletico San Sebastian, Lazkao eta OBB.
“Softbola beisbolaren egokitzapena da, eta ezaugarri berezi batzuekin jolasten da: jolaserako pilota bigunagoa da, lehiatzeko zelaia txikiagoa… Halako ezaugarriek kirol arinagoa bihurtzen dute, eta etenaldi gutxiago izaten dira”, azaldu dute antolatzaileek, Rentoks eta Udal Kirol Patronatuak.
Partidak eta ordutegia
- 14:30-15:20: Atletico San Sebastian-Lazkao
- 15:30-16:20: OBB-Rentoks
- 16:30-17:20: Atletico San Sebastian-OBB
- 17:30-18:20: Lazkao-Rentoks
- 18:30:-19:20: Rentoks-Atletico San Sebastian
- 19:30-20:20: OBB-Lazkao
