![Donibaneko Mitxintxola kontsumo taldeak parte hartzen du Apaiziartza egitasmoan](http://bidasoa.hitza.eus/site/files/2013/11/Donibaneko_Mitxintxola_kon-300x225.jpg)
Donibaneko Mitxintxola kontsumo taldeak parte hartzen du Apaiziartza egitasmoan
Apaiziartzan lurra lantzen egitasmoa “arriskuan” dagoela salatuko dute datorren larunbat eguerdian Lezoko Gurutze Santuaren plazan. Proiektuaren bultzatzaileek “interes partikularrak” direla eta oztopo ugarirekin topatzen ari direla eta egitasmoa bera “kolokan” dagoela salatuko dute protestaren bidez.
Egoera aztertzeko batzarra egin zuten Kultura Aretoan pasa den ostegunean Apaiziartza egitasmoan parte harzen duten Mitxintxola, Larrakabaratza, Ximaurrakin Kontsumo taldeetako ekoizle eta kontsumitzaileen ordezkariak eta herritar talde batek. Batzar horretan erabaki zutenaren arabera proiektuak bizirik jarrai dezan eta “erasoak” ekiditeko hainbat ekimen egingo dituzte, datorren larunbateko elkarretaratzea kasu. Kontsumo taldeen barazki banaketa egingo dute Apaizartzakoek larunbat eguerdian plazan, bestalde.Sinadura bilketa hastea ere erabaki dute batzarrean parte hartu zutenen artean egitasmoari babesa erakusteko.
Lantzen dituzten lurren eta baserriaren jabegoa duen Gipuzkoako Foru Aldundiari “egoera gatazkatsua konpontzeko”, eskatu diote Apaizartzeko proietu kolektiboan biltzen diren lagunek: “Betiere kolektibitatearen interesei lehentasuna emanda eta martxan den aktibitate sozial hau bermatuta”.
2011. urtean abiatutako esperientzia alternatiboa da Apaizartzarena, eta gaur egun 75 familik jasotzen dituzte bertan landutako barazkiak.