Filipinetarako 6.000 euro eman dizkio udalak Gurutze Gorriari
Hondarribiko Udalak 6.000 euro eman ditu Yolanda tifoiak Filipinetan eragindako kaleak murrizteko egiten ari diren lanekin laguntzeko. Gaur hartu dute erabakia, Tokiko Gobernu Batzordean egindako bileran. Gurutze Gorriari emango dio dirua udalak, haiek bideratu dezaten. Maite Pelaez Gizarte Zerbitzuetako zinegotziak azaldu duenez, ura edangarri bihurtzeko sistema bat abiatuko du Gurutze Gorriak diru horrekin. “Behar larria dutela une hauetan Filipinetan. Yolanda tifoiak kalte gogorrak eragin ditu, baina hemendik gure esku dagoen guztia jarri behar dugu laguntzeko. Gurutze Gorria udalarekin jarri zen harremanetan, eta badakigu hori baino askoz gehiago behar dutela, baina guk ahal dugun heinean lagundu behar dugu, eta horretan ari gara” azaldu du.
