Gazteen artean genero indarkeriak duen eragina aztertuko dute
Emakumeen Aurkako Indarkeriaren Kontrako Egunaren harira, Emeki elkarteak ere kontzientziazio lana egingo du, eta hala, Gazteen arteko genero indarkeria gaia landuko dute III. Bidasoko Emakumeen Topaketaren barruan. Hainbat ponentzia izango dira, hurrengo larunbatean, hilak 23, Hondarribiko Zuloaga Etxean, 10:00etatik aurrera.
Ekitaldi hori dohainik da, eta hainbat lagunek parte hartu dute elkarteko kide izan ala ez.
Egitaraua
- 09:45: Parte hartzaileei harrera egitea eta materiala banatzea
- 10:00: Ongietorria eta topaketaren aurkezpena Aitor Kerejeta Hondarribiko alkatearekin eta Emeki elkarteko ordezkariekin.
- 10:30: Hitzaldiaren esparrua: Zer da genero indarkeria eta tratu txarra?
- 11:00: Bigarren hitzaldia: Genero indarkeriaren pertzepzioa jende gaztearen artean.
- 11:30: Atsedena / kafea.
- 12:00: Hirugarren hitzaldia: Berdintasunean hezteko ekimenak.
- 12:30: Galderak eta eztabaida.
- 13:00: Jardunaldiaren bukaera.
