Beirak hasi du bidea
Atzo aurkeztu zuen Donostiako Doka kafe antzokian Dena Ez Denean Ezer lehen diskoa Beira taldeak. Jon Martin bertsolariak eta Igor Arruabarrena musikariak osatzen duten Beira.
Atzo, lehenengo kontzertuan, lagun bereziak izan zituzten alboan. Batetik, Hobira taldea (Arruabarrenaren talde ohia) eurekin batera igo zen oholtzara. Eta ondoren, beste hainbat ere animatu ziren, Mikel Markez musikariak eta Beñat Gaztelumendi, Jokin Labaien eta Arkaitz Oiartzabal Xamoa bertsolariek ere parte hartu baitzuten, bakoitzak beretik eskainiaz.
Saiaren bukaeran diskoa erosteko aukera izan zen 5 euroren truke. Hemendik aurrera, norbaitek erosi nahi izanez gero, Beiraren kontzertuetan edo Txapelketa Nagusiko Lankuren standean aurkituko du.
Hona hemen Beiraren bideoklipa.
