Bada lehia gazte olinpiadetan
http://www.youtube.com/watch?v=pAjCIsiD5eo&feature=youtu.be Oreretako gaztetxearen urteurrenaren harira, gazte olinpiadak egiten ari dira.
[nggallery id=43]
Oreretako Zabala-enea II gaztetxearen urteurrena jaia ospatzen ari dira gaur herriko gazteak. Horretarako, goizean zehar olinpiadak egiten ari dira. Piraguan ibili dira; luzera jauzia egin dute; futbolinean ere bota dute izerdia, baina piezak eurak direla; baita lokotxa eta lau hanketan ere. Baina bertsotan duten abilezia ere erakutsi dute, eta bazkaldu aurretik altxorraren bila ere egingo dute. Antolatzaileek aurreratu dutenez, altxor berezia izango dute Arkaitz Anza herriko preso gaztearen eskutitza.
Guztira, bost koadrilek eman dute izena, eta bakoitzean sei eta bederatzi partaide artean daude.
Bazkalosterako, berriz, poteoa eta musika utzi dituzte. Poteoan bertan kontzertu ibiltaria izango dute Sardeska taldearekin. Gauean gehiago izango dira: The Bobby’s eta Kruders taldeekin lehendabizi, eta DDFUNK dj-ak ondoren.
