Herritarrek euskarari emandako erantzunarekin pozik agertu dira
Gure Eskuk Euskaraz Bizi Nahi Dut kanpainari buruzko balorazioa egin du, eta “oso pozik” dagoela esan du. Kanpainak emandako datuei erreparatuta, “oso baikor” azaldu da, “herriko hainbat pertsona entitate, elkarte eta erakundek bere gain” hartu dituztelako ardurak.
Zehazki, Nafarroa Oinez jaira joateko autobusak antolatu zituen Orereta eta Langaitz ikastolarekin elkarlanean, eta 41 herritar eraman zituen autobusak Tuterara (Errenteria-Orereta, Pasaia, Oiartzun eta Donostiatik).
Argia ikastolak ere egindako keinua eskertu die lanean aritu direnei eta Gure Esku bezala Tuterara joan direnei. Hurrengo urtean Zangotzako ikastolak antolatuko du Nafarroa Oinez. Hain zuzen, Zangotzan kilometro bat egin zuen Gure Eskuk.
Horrez gain, euskara sustatzearen alde lan egiten ari den taldeak Errigora kanpaina martxan jarriko du Euskal Herriko hegoaldeko produktuei Euskal Herriko plazan irtenbidea emateko. Asteartean izango da aurkezpena.
