Landarbaso abesbatzak Rigako munduko txapelketan parte hartuko du
Mundu osoko 40 herrialdetan 260 koruren artean hautatua izan da Landarbaso abesbatza Rigako mundu mailako txapelketan aritzeko, zehazki, World Choir Games 2014ean. Hain zuzen, datorren urteko uztailean izango da bi urtean behin egiten den txapelketa.
World Choir Games mundu mailan egiten den lehiaketa garrantzitsuena da koruen kalitatearengatik nahiz epaimahaiarengatik.
Euskal Herriko abesbatza bakarra izango da Landarbaso, eta koru mixtoa eta musika sakra modalitateetan parte hartuko du.
Aukeraketa horretan zerikusia izan du Shaoxingo Abesbatzen Olinpiar Jokoetan bi urrezko domina eta zilarrezko bat irabazi izanak.
