%80tik gora birziklatzen jarraitzen dute Oiartzunen
Aurtengo lehen sei hilabeteetako datu guztiak bilduta, 2012 bukaeran zeuden birziklatze eta sailkatze tasekin jarraitzen dela berretsi du Oiartzungo Udalak. Hau da, herriko hondakinen %80tik gora sailkatzen da.Abuztuko datuen arabera, hondakinen %85a bildu zen gaika. “Xanistebanak tartean izan arren, datuek erakusten dute egoera berezietan ere hondakinak egoki sailkatzen eta bideratzen ditugula oiartzuarrok. Dagoeneko birziklatzearen eta hondakinak sailkatzearen garrantzia eta kontzientzia barneratuak ditugunaren seinale”, azaldu du udalak.
