Munduko sukaldaritzak eta euskal produktuek bat egingo dute Gastrokulturalean

admin

Bidasoa

2013/10/22

Ainara Guzman eta Carlota Sarasti MUko ikasle eta Gastrokulturalaren antolatzaileak, Oihan Tello zinegotziarekin

Gastrokulturala jardunaldiak izango dira hilaren 25, 26 eta 27an Haurtzaro Ikastolako jantokian. Euskal herritarrei munduko sukaldaritza modu erraz eta dibertigarrian gerturatu nahi zaie jardunaldi hauen bidez, Mexikoko, Orientala eta Italiako sukaldaritza hain zuzen ere. Steps ikasle elkarteko Carlota Sarasti, Ainara Guzman eta Eneko Sieso dira Gastrokulturalaren antolatzaileak; Oiartzungo Udalaren eta Haurtzaro Ikastolaren laguntza ere izan dute. Basque Culinary Centerreko ikasleak dira hirurak baita jardunaldiko sukaldari eta irakasleak ere. Izan ere, bazkari zein afariak eskainiko dituzte eta haur eta helduei zuzenduriko ikastaroak emango dituzte. Ikastaroak bi zatitan banatuko dira: plater bakoitzaren historia eta berezitasunak azalduko dituzte batetik, eta platera prestatuko dute bestetik. Gero prestatutako dastatzeko eta galderak egiteko aukera izango dute parte hartzaileek. Haurrei zuzenduriko ikastaroak errazak izango direla azaldu dute. Helduek entxilada mexikarrak, sushi japoniarra eta pasta freskoa prestatuko dute eta haurrek sushi japoniarra eta pizza. Helduen ikastaroak bi ordu iraungo du (20 euro) eta haurren ikastaroak, berriz, ordubete (10 euro). Jardunaldira hurbiltzen direnen artean, gainera, gozogintza sorta bat zozkatuko dute. Egun bakoitzean karta berezia egongo da bazkari eta afarietan. Izena emateko Ikastaroetan parte hartu nahi duenak Haurtzaro Ikastolan eman behar du izena edo guzman.steps[abildua]gmail.com helbidera idatzi. Izen-abizenak, ikastaroaren izena eta ordutegia eta telefono zenbakia adierazi beharko dute interesdunek. Egitaraua Ostiral mexikarra 17:00-19:00: Helduentzako ikastaroa. 19:00-21:00: Pintxo-pote. 19:00-23:00: Afariak. Larunbat orientala 11:00-12:00: Haurrentzako ikastaroa. 11:00-13:00: Helduentzako ikastaroa. 17:00-19:00: Helduentzako ikastaroa. 19:00-21:00: Pintxo-pote. 19:00-23:00: Afariak. Igande italiarra 11:00-12:00: Haurrentzako ikastaroa. 11:00-13:00: Helduentzako ikastaroa. 13:00-15:30: Bazkariak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.